Skip to main content

Ingiaqataagit

Suliffeqarfissup iluani sulisut piumassusillit, misilittagallit akisussaassusillillu atuisutsinnik kiffaartuussinissamut piareersimajuartut atorfissaqartittuarpavut.

Ilinniagaqarneq

Hotel Arcticimi igasutut, saqisutut, saaffiginnittarfimmiutut, allaffimmiutut aammalu saffiginnittarfimmi takornarialerinermilu ikiortitut ilinniartuuteqartarpugut. Aammattaaq inuusuttut serviceøkonomitut ilinniagaqartut qaammatini pingasuni suliffimmik misiliinissamut neqeroorfigisarpavut. Akunnittarfimmi ilinniartut arfineq pingasut aqqaneq marlullu akornanniikkajupput.

Ilinniartunngorniaruit Inuilimut Narsamiittumut qinnuteqassaatit. Inuilimiillu akuerineqareeruit Hotel Arcticimi suliffimmi misiliinissamut qinnuteqarsinnaavutit.

Igasoq

Ilinniarneq ukiunik sisamanik sivisussusilik, suliffimmi misiliinermik aamma tallimariarluni atuagarsornermik imaqarpoq. Atuagarsornerit siulliit pingasut Inuilimi ingerlanneqartarput kingulliillu marluk Food College Aalborgimi ingerlanneqartarlutik.

Saqisoq

Ilinniarneq ukiunik sisamaat avillugu sivisussusilik, suliffimmi misiliinermik aamma sisamariarluni sap.ak. 10-ni atuagarsornermik imaqarpoq, atuagarsornerit siulliit marluk Inuilimi kingulliillu Food College Aalborgimi ingerlanneqartarput.

Saffiginnittarfimmi sulisoq

Ilinniarneq ukiunik marlunnik qaammatinillu sisamanik sivisussusilik suliffimmi misiliinermik aamma atuagarsornermik imaqarpoq, atuagarsornerit siulliit marluk Inuilimi kingulliillu pingasut sap.ak. 10-nik sivisussusillit Food College Aalborgimi ingerlanneqartarput.

Saaffiginnittarfimmi aamma takornarialerinermik sulisoq

Ilinniarneq ukiunik marlunnik qaammatinillu arfinilinnik sivisussusilik suliffimmi misiliinermik atuagarsornermillu imaqarpoq, Inuilimiinneq aammalu Qaqortumi Niuernermik Ilinniarfimmiinneq paarlakaanneqartarlutik.

Allaffimmioq

Ilinniarneq ukiunik sisamanik sivisussusilik suliffimmik misiliinermik aamma Niuernermik Ilinniarfimmi Nuummi Qaqortumiluunniit ingerlanneqartarpoq. Hotel Arctic allaffimmiutut ilinniartumik ataatsimik tigusisarpoq, tassa ukiut sisamat allortarlugit.