Skip to main content

Illuaqqat arsarnersiortarfiit

Arsarnerit unnuakkut qilammi kusanaqisumik takutitsinerat misigiuk.

See moreBook an Aurora Cabin

Illuaqqanit arsarnersiortarfinniit asseqanngitsumik misigisaqassaatit

Illuaqqani arsarnersiortarfinni unnuineq imminut iluarusutsinnermik aammalu pinngortitamik kusanarluinnartumik misigisaqarfiusarpoq. Ukiukkut issersuup ataani arsarnerit qilammi sarfarsiataarnerat misigissavat, aasamilu unnuami seqernup kaaviinnarfiani avammut isiginnaarusaarlutit, ullup unnuallu assigiinngisutaasa peeruttuusinera misigissavat.

Illuaraatigut arsarnersiortarfiit arfineq marluusut hotellip saavani qaarsumi sanaajupput. Igalaarujussuaqarput, pinngortitamiiginnartutullu, soorlulu qilammit tiguarneqaannartut misiginissaq siunertaralugu sanaajupput.

Illuaqqat arsarnersiortarfiit

  • Illuaqqat tamarmik Qeqertarsuup tunuanut isikkiveqarput
  • Angissusaat 20 m2
  • Uffarfeqarput
  • Naqqi igaallu kiassagaapput
  • Qulliit, aamma kiassarneq iPad-i atorlugu aqunneqarput
  • Wi-Fi -qarpoq
  • Nipilersuutinik tusarnaarutit bluetoothikkut
  • Tiiliornissamut kaffiliornissamullu periarfissaqarpoq
  • Mikisumik køleskabeqarput
  • Inunnut marlunnut naatsorsuussaapput
  • Akii DKK 4.595 -niit

Atortut sivisuumik piusinnaasut atorlugit sanaajupput

Illuaqqat arsarnersiortarfiit sivisuumik piusussatut sanaajupput. Pitsaasumillu atortulersugaanerat takuneqarlunilu malugineqarsinnaavoq. Igalaarsuisa kiassakkat isikkivinnut ajoqutaasinnaasut ingalassimatissavai, siniffillu pitsaasoq qasuersaarnissamut qaaqqusisutut ippoq.

Nordlys, Aurora borealis, polarlys, Arsarnerit

Arsarnernik takunnittut pinngitsoqaratik tiguartittarput. Nunarsuullu avannarpiani kujaterpiaaniluunniit nunat assigiinngitsut kulturiisa arsarnernik qilammi kusassaasunik oqaluttuaatitoqaat assigiinngiiaaqaat.

Kulturit ilaasa anersaat toqukkut qimaguttunik apuuffissaannut aqqutissiuisuuneraraat, ilaasa ajortumik pisoqarnissaanut ilisimasaarisuunerartarpaat. Nunatsinnilu arsarnernik oqaluttuaq tassaavoq, toqusunukugooq tarningi susassaaleqillutik aarrup niaqua saanikoq arsaralugu arsartut.

Ullutsinnilu ilisimasat naapertorlugit arsarnerit tassaapput, sananeqaatit mikisuarakasiit seqernup innaallagiaanik eqqugaallutik nunarsuup silaannartaanut appakaannerminni savimernup kajungerisaanik apuisut. Nassuiaatillumi arlaat sorleq upperigaluarukku, arsarnernik isiginnaarneq qaqugorsuarmut puiornavianngilat.

Arsarnerit septembarip qiteqqunneraniit martsip naanerata tungaanut Ilulissani takussaasarput.

Seqernup kaaviinnarfia

Ilulissani aasaq immikkoqqissaaq ippoq. Pinngortitaq aputaarukkaangat, uumassutsit nutaat, nukissat ataqatigiinnerlu pinngortarput. Maajip naaneraniit seqineq kaaviinnaleraangat ulloq unnuarlu ataannartutut ilersarput. Unnuaannarmimi pisuttuaannarsinnaaneq, ullup qeqqatalu siorna sinngusalaarneq taamaattussaannartut misigineqartarput.

Juulip naalernerani taartuarsaartalersarpoq, septembarimiillu arsarnerit tupigusuutaasaqisut takussaaleqqittarput.